നിഷാ ജി
എന്റെ വാക്കുകൾ ചില നിമിഷങ്ങളിൽ
വിജനമായ മൗനത്തിലേക്ക്
ആഴ്ന്നുപോകുന്നു.
നിന്റെ വാക്കുകൾ എന്റെ മനസ്സിൽ
വന്നുണരുമ്പോഴാകട്ടെ
എന്റെ മൗനം
സ്ത്രൈണതവിട്ടുയരുന്നു.
ഏകാന്തതയെവെന്ന്
വാചാലതയെ പുണർന്ന്
ആളിക്കത്തുന്നു.
ഒരിഷ്ടം ഉള്ളിൽ
പതഞ്ഞ്
ചായക്കൂട്ടുകളായി ഒഴുകി
എങ്ങോ ലയിക്കുന്നു.
നാവിൻ തുമ്പത്ത് നൃത്തമാടാൻ
നിന്റെ മനസിന്റെ പ്രണയങ്ങളെ
ഞാൻ ക്ഷണിക്കട്ടെ
