വഴിയമ്പലം കൊത്തുന്നവര്‍

ഗീത രാജന്‍

പിന്നിട്ട വഴികളൊക്കെ തിരിഞ്ഞു 
നടക്കാന്‍ തോന്നിയപ്പോഴാണ് 
ഒരടി പോലും പിന്നോട്ട് വക്കാന്‍ 
ഇടമില്ലാ എന്ന് തിരിച്ചറിഞ്ഞത് 
മുന്നിലേക്ക്‌ നോക്കിയപ്പോള്‍ 
കണ്ടത് നിന്നെയാണ് 
നീയാകുന്ന വഴിയിലൂടെ 
സഞ്ചരിക്കുകയാണ് ഞാനിപ്പോള്‍!

ഒരു മാത്ര മരണം എന്റെ 
കയ്യകലത്തില്‍ എത്തിയെന്ന് 
തോന്നിയപ്പോഴാണ് 
ഈ ജീവിതം എനിക്കിത്രയേറെ 
പ്രിയമെന്ന് തിരിച്ചറിഞ്ഞത്
മരണ മുഖത്തില്‍ നിന്നും 
ഒളിച്ചോടി ഞാനെത്തിയതും 
നിന്റെ മടിത്തട്ടില്‍ തന്നെ !!

നിന്റെ പ്രതിബിംബം

കണ്ടു ഞാന്‍ കണ്ണാടിയില്‍ 
എന്റെ മനസിന്റെ വാതിലിലൂടെ 
നീ ഒളിഞ്ഞു നോക്കിയപ്പോള്‍ 
നിന്നിലൂടെ തീര്‍ക്കുന്നു 
ഞാനൊരു വഴിയമ്പലം 
തളരുന്ന മാത്രയില്‍ 
വിശ്രമത്തിനായീ!!!