ജലബന്ധം

മഹർഷി

സമാധാനത്തിന്‌
ശ്വാസംമുട്ടുന്നു
സ്വാന്തനങ്ങൾ
വചനങ്ങളിൽ
മരച്ചുകിടക്കുന്നു

മരണമുഖത്ത്‌
മാടിയൊതുക്കുന്നു
ചീഞ്ഞളിഞ്ഞവ
ബാക്കിപത്രങ്ങൾ

നിഴലുകളില്ലാതെ
ഗ്രാമാന്തരങ്ങളുടെ
ശൂന്യകാശങ്ങളിൽ
മൗനത്തിന്ററൗദ്രം

അതിർത്തിയിൽ
അതിദാഹത്തിന്‌
ആയിരംരക്ഷസ്സുകൾ
നാവുനീട്ടുന്നു

മാനവീയതയുടെ
മൗനാക്ഷരങ്ങൾ
മാറത്തലച്ച്‌
ബധിരമാകുന്നു

കാർന്നുതിന്നുന്ന
ജലസാമ്രാജ്യം
അശോകരാജിന്‌
അടിവരയല്ല

മരിച്ചസംസ്കൃതി
തിരിച്ചറിവല്ല
ഉരഞ്ഞകരകൾ
തലയറ്റുകിടക്കുന്നു.

വിലാസം

മഹര്‍ഷി

മാനത്തിലെങ്ങനെസൂര്യനുദിക്കുന്നു
കിഴക്കുനിന്നെന്താണ്‌ പടിഞ്ഞാട്ടുചായുന്നേ
അന്തിക്കുകാണാംവാനില്‍ചന്ദ്രനെ
അര്‍ക്കനെപ്പോലെന്തേതിളക്കമില്ല

സന്ധ്യക്കുകണ്ടമൊട്ടുക്കളെല്ലാമേ
പൂത്തിരികത്തിക്കുന്നുപ്രഭാതം
ചന്തത്തിലായവതന്നുടെപുഞ്ചിരി
തഞ്ചത്തിലെങ്ങനെവന്നുപെട്ടു

കുളിരും ചൂടിയീകാറ്റത്തങ്ങുനിന്ന്‌
മലരിന്‍മണമേറ്റിവരുന്നു
മന്തമായ്‌ മന്ത്രിക്കുന്നീപ്പുഴകള്‍
തിങ്ങിനിറഞ്ഞങ്ങുചേരുന്നു

തീരത്തില്‍തിരഞ്ഞൊറിഞ്ഞുടുക്കുന്നു
തീരാത്തദാഹംതീര്‍ത്തൊഴുകുന്നു
കറുത്തപെണ്ണായ രാത്രിക്കുരുന്ന്‌
കാര്‍മുകില്‍മാലധരിക്കുന്നു

വേലയാകുമ്പോള്‍ളമ്പലത്തില്‍
വേനല്‍ ഉത്സവശീവേലികൊട്ടുന്നു
താളത്തില്‍തുണികള്‍താഴെവീഴുന്നു
മരതകമുത്തുകള്‍തൂശനിലത്തുമ്പിൽ

ആയിരംകാന്താരിപ്പൂത്തിറങ്ങുന്നു
ആരോഇരുന്നുനീട്ടിമൂളുന്നു
അമ്പിളിആമ്പല്‍തൊട്ടുവിടര്‍ത്തുന്നു
അകക്കണ്ണുതാമരപ്രാതേതുറക്കുന്നു

ഈവകഎങ്ങനെഎങ്ങനെഅമ്പേ
ആരാണീക്രമംചേര്‍ത്തുവെച്ചെ?
ആശക്തിഉണ്ണിശ്രേഷ്ഠശക്തി
പ്രകൃതീശ്വരിതന്‍പ്രകടശക്തി

ഉടലടയാളം

മഹർഷി

മഴയുടെ മേളം
പുഴകളിലെഴുതി
കുളിരുതമ്മിലിണഞ്ഞ്‌
കുമ്മിയടിച്ചൊഴുകുന്നു
മുകിലുകൾ മുകുരംനോക്കി
തലമുടി ചീകിയൊതുക്കി
കടകടചിരിച്ചുരസിച്ച്‌
പളപളകളിയാടുന്നു
തീരംതിരക്കഥയെഴുതി
വാനംകവിതരചിച്ച്‌
തളിരുകൾതാളംതള്ളി
കഥയത്തിനരങ്ങുമൊരുങ്ങി
പ്രാതംഈറനുടുത്ത്‌
ഉഷസ്സിൻതിരുനടതൊഴുത്‌
കളഭക്കുറിയും തൊട്ട്‌
മനസ്സാൽമൂന്നുവലം
കല്ലോലത്തിൻ
കുമിളവിരിച്ച്‌
തീരത്തിതിഹാസവുമായി
കടലിലയൊരുടലായി
സായംസന്ധ്യരചിച്ച
ചെമ്മാനച്ചാർത്തുമണിഞ്ഞ്‌
പടിഞ്ഞാറിൻമാറു ചുവന്നു
പകലോനതിലാറാടി

പരിഭാഷ

മഹർഷി

വാക്കുകൾ
ഇണങ്ങുന്നത്‌
പ്രേമം
പിണങ്ങുന്നത്‌
വിട്ടുപോയതിന്റെ
ആഹ്ലാദം
ശരീരംപൂക്കുന്നത്‌
പതിവുശൈലി
ചൂടാറാതെശബ്ദം
തൊണ്ടയിൽഉടക്കുന്നത്‌
വേർപിരിയൽ
ഉടലടയാളങ്ങൾ
വിലസൂചികപോലെ
നിമ്ന്നോന്നതങ്ങളിൽ
ഒഴുകിനടക്കുന്നത്‌
ശൈലീഭദ്രത
പിണങ്ങാനും
ഇണങ്ങാനുമില്ലാതെ
പൊട്ടിവിടരുന്ന
പ്രഭാതംപോലെ
നിർമ്മതയുടെ
നീരാഴികൾതീർത്ത്‌
വഴിപാടുതുടങ്ങി
പിരിയുന്നവർ
വഴിതേടുന്നവർ
സ്വന്തംപാതയിൽ
പരസ്പരംവീഴുന്നവർ
വിലാപംചൂണ്ടയിൽ
കുടുങ്ങിയവർ.

ഉടലടയാളം

മഹർഷി

മഴയുടെ മേളം
പുഴകളിലെഴുതി
കുളിരുതമ്മിലിണഞ്ഞ്
കുമ്മിയടിച്ചൊഴുകുന്നു

മുകിലുകൾ മുകുരം നോക്കി
തലമുടി ചീകിയൊതുക്കി
കടകട ചിരിച്ചുരസിച്ച്
പളപളകളിയാടുന്നു
തീരം തിരക്കഥയെഴുതി
വാനം കവിത രചിച്ച്
തളിരുകൾ താളം തുള്ളി
കഥയതിനരങ്ങുമൊരുങ്ങി

പ്രാതം ഈറനുടുത്ത്
ഉഷസ്സിൻ തിരുനട തൊഴുത്
കളഭക്കുറിയും തൊട്ട്
മനസ്സാൽ മൂന്നു വലം

കല്ലോലത്തിൻ
കുമിള വിരിച്ച്
തീരത്തിതിഹാസവുമായി
കടലിലയൊരുടലായി

സായംസന്ധ്യ രചിച്ച
ചെമ്മാനച്ചാർത്തുമണിഞ്ഞ്
പടിഞ്ഞാറിൻ‍‍മാറുചുവന്നു
പകലോനതിലാറാടി
ഫൊ: 9495547947